على جنحان شوقي لك.!

السلام عليكم

.............


آآلسلآم ع ـليكم ورحمه الله وبركاته
صباحكم / مسسائكم .
آح ـلى من الورد .
اليوم حاب انزل .. قصيده الطيف ..
للمبدع الشـاعر : سـالم السـيار .



\
/
\
/
\

الطيـــف





:
/
\



/





تجيني طيف ياعمري على جنحان شوقي لـك
أخاف أرمش من عيوني وأبعثر جية وصالك




حبيبي لا تجــــــــيني قــــول وين أنت وأنـا أجيلـك
أبيك تقول وين أنت وعلى عيوني أنا اسعى لك




وربي فوق روس الشوك لخلي القلب يمشيلـك
وأخلي ظلالي يسبقني قبل يحضنـي منزالـك




ثواني بس أبي أتهندم من عيونك وأبي أهديلك
في عينك ضحكة ٍ حتى تكحل عيـن عذّالـك



يقولو الناس بغــــــيابي تشب القلـب ويضويلـك
حنيني..من وهج شوقه يميل القلـب لامالـك




قضى دمعي من عيوني أبي من عينك أبكيلـك
أبنثر من ورى عـــــــيوني دموع عيون ترحالـك



تعبت أهرب من الأشياء البسيطة من تفاصيلـك
تعبت أسأل زوايا البيت عن أول وآخر أحوالك



وحتى الشوق من صبح الدرايش قام يهديلـك
عصافير الرضى ترفرف على بيبان مدخالك



هنا ترمي صباح الخير قبل لاتروح وأدعيلك
وهنا تضوي مساء الخير في عيني من هلالك



أنا من الليل يقطفني شعوري لـك وأغنّيلـك
أنا من الصبح يليلني الحزن زمن لون موّالـك



حرام الليل ماهو ليل إذا ماكنـت فـي ليلـك
وحرام الصبح ماهو صبح إذا ماكنت بظلالك



تروح وقلت أحط روحي على كفّي وأناديلـك
نزعت العمر من شفت الغلا بالـرّوح نادالـك



بربك قول وش سوّى الفراق بوجـه منديلـك
تسيل ألوان طيفي فيه ألا مـن البكـا سالـك



حبيبي لا يبكيـك الفـراق ولا يهـد حيلـك
أخاف الدمع من عينك يجفف صورتي بالـك



تعال أحتاج اسولفلك عـن الأيـام وأشكيلـك
وأفض غيم الحزن وأنثر حنين الشوق بقبالـك



تعال حط في قلبي همـوم الفرقـى وأشيلـك
لأن القلب ماهو قلب أذا في نبضـه ماشالـك





وقف دمعي من عيوني أبي من عينك أبكيلك
أخاف أبكي من عيوني وأبعثر جية وصالـك.